Өмір деген – махаббат

Өмір — сүю үздігіп,
құштарлықта жалын бар.
Қызу қанды қыз-жігіт,
ләззатына қаныңдар!
Өмір деген –
бір ғажап
махаббаттан тұрады.
Жан ғұмыры – мұңды азап,
табылмаса сыңары.
Өмір – үнсіз мұңдану
«Хош!» – дегенде сүйіктің.
Бір суынып, бір жану,
қайғысымен күйіктің.
Өмір – жанды тербеген
махаббаттың мәңгі әні,
әуенімен емдеген
бұлбұл үні таңдағы.
Өмір – жанды жырлатып,
өлең жазу түн қатып.
Махаббаттан нәр алып
өмір сүру – шын бақыт!
Фариза Оңғарсынова
 

Читайте также:

Добавить комментарий

Ваш адрес email не будет опубликован.